Txingudi Ikastolako Gurasoen Bloga

Astelehen honetan, abenduaren 3an, Euskararen Nazioarteko Eguna eta Euskaraldiaren amaiera ospatu zen eta Ikastolan bat egin genuen ospakizunarekin. Haur Hezkuntzako eta Lehen Hezkuntzako ikasle eta langile guztiek parte hartu zuten jaialdi bat antolatu genuen Lehen Hezkuntzako jolas lekuan eta bertan, adin desberdinetako ikasleek eskaini zizkiguten abestiez, dantzez, bertsoez… ederki gozatu genuen.

Beste aldetik, lerro hauek aprobetxatu nahi ditugu zuei guztiei eskerrak emateko Euskaraldiaren harira, Ikastolatik proposatu dizkizuegun ekimenetan parte hartzeko erakutsi duzuen ilusioagatik eta motibazioagatik. Estimatzekoa da, Haur Hezkuntzako eta Lehen Hezkuntzako 1. eta 2. mailetako ikasleen familien aldetik, “zuretzat euskara zer da?” ekimenari erantzunez, jaso dugun erantzuna, mezu aberats eta eraikitzaile ugari helarazi dizkiguzue eta.

Azkenik, esker berezi bat eskaini nahi dizuegu geletako guraso arduradunei zuen geletako gurasoen artean egin duzuen sustatzaile lan bikainarengatik.

Aurreko asteetan aurreratu dizuegun moduan, Gurasoen Elkarteak Urteko Ohiko Batzar Orokorra ospatuko du gaur ostiralean, azaroaren 30ean, DBHko areto nagusian, arratsaldeko bost eta erdietan (17:30) lehendabiziko deialdian eta seietan (18:00) bigarrenean. Bigarren deialdira joatea gomendatzen dute. Hemen aurkituko duzue batzarrerako deia eta gai zerrenda.

Abenduaren 3an, astelehenean, Euskaraldiaren amaierarekin bat eginez, Euskararen Nazioarteko Eguna ospatuko da. Hori dela eta, aste osoan zehar hainbat ekimen antolatu du Irungo Udalak eta horietako batzuk, espreski haur eta gazteei zuzenduta daude. Hemen aurkituko duzue programa.

Aurreko astean aurreratu genizuen moduan, Gurasoen Elkarteak Urteko Ohiko Batzar Orokorrerako deialdia bidali digu gurasoei helarazteko. Batzarra azaroaren 30ean, ostiralean izango da, DBHko areto nagusian, arratsaldeko bost eta erdietan (17:30) lehendabiziko deialdian eta seietan (18:00) bigarrenean. Bigarren deialdira joatea gomendatzen dute. Hemen aurkituko duzue batzarrerako deia eta gai zerrenda.

Ikasturte hasierako bileretan azaldu genizuen bezala, gaurtik, azaroaren 23tik abenduaren 3ra bitarte euskararen erabilerari bultzada sendoa eman nahi dio Euskaraldia izeneko ekimenak. Prest zaudete? Hauek dira rolak:

AHOBIZI ZARA: Euskaraz egingo diezu ulertzen duten guztiei. Edonon, edonoiz eta ulertzen duen edonorekin arituko zara euskaraz. Ezagutzen ez dituzunekin lehen hitza euskaraz egingo duzu, eta ulertzen baldin badute, hortik aurrerakoak ere. Horrela, orain arte euskaraz izan dituzun elkarrizketek euskarazkoak izaten jarraituko dute, baina orain arte erdaraz izandako elkarrizketa batzuk euskaraz edo elebiz izatera ere lortuko duzu. Jarrera aktiboa izango duzu, beraz. Zure harreman sarean dituzun hizkuntza praktikak aztertu eta euskarara aldatzeko aukera duzun horietan eragingo duzu. Hamaika egunetan, hizkuntza aldaketarako aukeratu dituzun harreman horietan ezezik, zure bizitzako esparru guztietan euskaraz arituko zara, ahal den guztietan, ahal duzun guztiekin.

BELARRIPREST ZARA: Euskaraz dakiten guztiei zuri euskaraz egiteko gonbitea egingo diezu. Euskara ulertzen duzula adieraziko diezu eta zurekin euskaraz hitz egin dezaten eskatu. Zuk euskaraz edo erdaraz erantzungo duzu, baina zuri euskaraz egiteko eskatuko duzu.

Haur Hezkuntzako eta LH1/LH2ko gurasoei iradokitzen dizuegu parte har dezazuen irakasle taldeak eskatzen dizueten mosaikoa ekoizten.
Gelako arduradunei eskatzen dizuegu gelako whatsapp taldeetan zabalkundea eman diezaiezuen Euskaraldiako ekimenei (adibidez https://euskaraldia.eus  edo http://irun.euskaraldia.eus/ web gunetakoak).
Beste iradokizuna, Ikastolako kanpoaldean, sarrera eta irteera orduetan jarriko dugun photocallean parte hartzea da.

BAT atletismo elkarteak eta Hendaiako Urpean Subaquatique Clubak Txikien IV. Txingudi Korrika antolatuko dute 2018ko urriaren 6an Gal zonaldean. Benjamin, alebin ea infantil mailetan dauden neska-mutilei zuzendutako proba da eta aurten Eskola Kirola programaren barruan txertatu dute.

Eskola Kirola programan parte hartzen duten ikasleen kasuan, parte hartu nahi badute, Ikastolatik egingo da izen ematea. Eskola Kirola programan parte hartzen ez dutenen kasuan, izen ematea www.kirolprobak.com web orrian egin behar da.

Aurtengo euskararen egunaren harira, 2018ko azaroaren 23tik abenduaren 3ra, gure hizkuntza ohiturak astintzea eta ohiko harremanetan euskara gehiago erabiltzea proposatzen digun ariketa da euskaraldia. Euskaraldiak bi rol hauetako bat hartzea proposatzen digu 11 egunez:

• Ahobizi: Ulertzen duenari euskaraz egingo diot, hark erdaraz erantzun arren. Ezezagunei lehen hitza, gutxienez, euskaraz egingo diet.
• Belarriprest: Egidazu euskaraz, nik ulertzen dut eta. Agian erdaraz erantzungo dizut, baina zuk niri euskaraz egitea nahi dut.

Izen emateak eta informazio gehiago www.euskaraldia.eus. Animatu eta parte hartzeko deia egiten dizuegu.