Alexia Tuterako bost urteko neskatxa da eta gaixotasun neurologiko larria du. Alexiak behar duen tratamendua ordaintzeko, bere familiak eta lagunek plastikozko tapoien bilketa martxan jarri dute eta Alexiak Irunen dituen senideek parte hartzeko eskaera luzatu digute. Ekimena gure Eskolako Agenda 21 programaren elkartasun eta parte hartze aktiboaren balioekin bat datorrenez, baietz erantzun diegu eta tapoien bilketa berriro aktibatzea erabaki dugu. Beraz, hemendik aurrera, plastikozko tapoiak berriro jaso eta Ikastolara zuen seme-alaben bitartez ekartzea eskatu nahi dizuegu.
