Txingudi BHIk Hezkuntza Sailak deitu duen Hauspo Proiektuan parte hartu nahi du.
Proiektu honen bitartez honako helburu hauek lortu nahi ditugu:
- Beharrak dituzten ikasleei laguntza ematea: Ikasgai batzuetan arazoak dituztenak edo joan den ikasturtetik pendiente dituztenak edo indartu nahi dituztenak, hori guztia familientzako kostu ekonomiko gehigarrik izan gabe.
- Eskolako emaitzak hobetzea.
- Etapa honetan gakoa den irakasle, ikasle eta familien arteko komunikazioa indartu.
Proiektu honek ikastetxearen antolakuntza pedagogikoan hainbat aldaketa ekarriko lituzke. Garrantzitsuena eskolako ordutegiari dagokiona da:
- Eskola ordutegia: 8:00 – 14:00 asteko bost egunetan, ikasleei dagozkien ordu lektibo guztiak barne.
- 14:00 – 14:50: Jangela zerbitzua.
- 15:00etatik aurrera:
- Ikasgaietan indartze ekintzak, zeozer pendiente duten ikasleei laguntza, ikastetxearen baliabideak erabilpena (liburutegia, informatika gelak), Guraso Elkarteak antolatzen dituen tailerrak eta bestelako ekintzak, ikasleei eta familiei zuzendutako orientazio saioak.
- Ikastetxearen irakasleok ekintzak bideratuko dituzte.
- Aste bakoitzeko astelehen, astearte eta ostegunetan.
- Urritik maiatza arte.
Proiektu honek duen garrantzia kontuan hartuz, datorren asteazkenean, maiatzaren 16an arratsaldeko 18:00etan, Txingudi BHIko Aretoan bilera batetara deitu nahi dizuegu. Bertan, Zuzendaritza taldeak gaiaren inguruan izan ditzakezuen zalantzak argitzen saiatuko da.
